"რეალმა" დღეს ბოლო ვარჯიში გამართა ჩინეთში. მოუს განკარგულებაში ყველა ფეხბურთელი იყო გრანეროსა და შაჰინის გარდა. ესტებანი სავარჯიშო დარბაზში გადიოდა სარეაბილიტაციო სამუშაოებს,ხოლო ნური მინდორზე ფეხბურთელებისგან მოშორებით ექიმის მეთვალყურეობის ქვეშ ვარჯიშობდა. შეგახსენებთ,რომ "ბლანკოსი" ხვალ თბილისის დროით 13:45 საათზე ჩინეთის ვიცე-ჩემპიონს "ტიანჯინს" დაუპირისპირდება.

თავდაპირველად ფეხბურთელები მოთელვით ვარჯიშებს აკეთებდნენ, ამის შემდგომ კი ირბინეს. რაკი მადრიდისტებმა ესენი მოილიეს, მოურინიომ ისინი ერთად შეკრიბა და უშუალოდ ბურთთან ერთად ავარჯიშა. შემდეგ კი ფეხბურთელები ჯგუფებად დაიყვნენ და კვადრატი გაითამაშეს.



დასასრულს ჟოზემ კარში დარტყმაზე ავარჯიშა მადრიდისტები. ოთხივე მეკარეს მიეცა საშუალება ამაში მიეღო მონაწილეობა. ყოველივე ამან 15 წუთს გასტანა. შემდეგ კი მოუმ მათ დასვენების საშუალება მისცა.



ჟოზე მოურინიო ფეხბურთელების ვარჯიშს დიდი დაკვირვებით ადევნებდა თვალს, მათ რჩევებსა და მითითებებს აძლევდა. მან თითქმის სრული ზეწოლით ავარჯიშა 23-ივე ფეხბურთელი.



გასახდელში წასვლის წინ კი ფეხბურთელებმა კიდევ ერთხელ გააკეთეს მოთელვითი ვარჯიშები...