როგორც იცით "მილანი" დატოვა ანდრეა პირლომ,რომელიც "ბებერ სინიორაში" გადაბარგდა. ალეგრი მისი შემცვლელის ძიებაშია. ვრცელდებოდა უამრავი ჭორი, თუ ვინ იქნებოდა პირლოს შემცვლელი. ამ სიაში შედიოდა რიკარდო კაკაც, უფრო სწორად უპირველესი კანდიდატი იყო. ჟურნალისტებმა იმ ფეხბურთელს,რომელიც "მილანში" უნდა გადავიდეს "მისტერ იქსი" უწოდეს. ალეგრიმ თავის ერთ-ერთ ინტერვიუში განაცხადა,რომ რიკის მილანურ გრანდში დაბრუნების შანსები მიზერულია.

"კაკა დიდებული ფეხბურთელია, მაგრამ ის "რეალში" თამაშობს. "მისტერ იქსი" ბევრ ფეხბურთელს უწოდეს, მათ შორის რიკისაც, მაგრამ მისი "მილანში" დაბრუნება ნაკლებად სავარაუდოა. ყველაფერი შეიძლება მოხდეს. დაველოდოთ მოვლენების განვითარებას." - ასეთი კომენტარი გაკეთა მასიმილიანო ალეგრიმ Corriere dello Sport-თან და ისიც დასძინა,რომ გადაწყვეტილება უკვე მიღებულია და მომავალ კვირაში უკვე ყველასთვის გახდება ცნობილი, თუ ვინ არის "მისტერ იქსი". არაა გამორიცხული იგი რიკარდო კაკა ან სესკ ფაბრეგასი იყოს.