ფერნანდო გაგოს აგენტი მარსელო ლომბილია სულ მალე დაიწყებს მოლაპარაკებებს "რეალთან" მისი კლიენტის "ბოკა ხუნიორსში" გადაბარგებასთან დაკავშირებით.

ამ ტრანსფერის გაჩარხვა საჭიროა პარასკევამდე, 5 აგვისტოს არგენტინაში სატრანსფერო ფანჯარა იხურება და მას შემდეგ მხოლოდ ის ტრანსფერები იქნება გაჩარხული, რომლის მოლაპარაკებაც ზემოთ ხსენებულ თარიღზე ადრე იყო დაწყებული.

გაგომ, რომელიც "რეალში" 2006 წელს 20 მილიონ ევროდ მოვიდა, ვერ გაამართლა მასზე გაცემული ავანსები, გასული ორი სეზონის განმავლობაში კი მას გუნდის ლაზარეტის უვადო აბონიმენტი ჰქონდა გამოწერილი.

ჟოზე მოურინიომ უკვე პირდაპირ უთხრა გაგოს, რომ არგენტინელი მის გეგმებში არ შედის და ახლა ლომბილიას სურს რაც შეიძლება მალე დაასრულოს თავისი კლიენტის ტრანსფერი.

ინფორმაციის წყარო: Goal