რიკარდო კაკამ და ხაბი ალონსომ ვარჯიშამდე რამდენიმე წუთით ადრე პრესკონფერენცია ჩაატრეს...

კაკამ თავდაპირველად "ადიდასის" აქცია შეაქო: "ეს კარგი წამოწყება იყო. ძალიან კარგად ვიმხიარულეთ ბავშვებთან ერთად. მათ ეს მუდამ ემახსოვრებათ." ამის შემდეგ კი რიკიმ ნეიმარის შესაძლო ტრანსფერზეც გააკეთა კომენტარი: "ეს კლუბისა და მწვრთნელის გადასაწყვეტია. მინდა ვთქვა,რომ ნეიმარი დიდებული ფეხბურთელია,მაგრამ ამ საქმეში ვერ ჩავერევი."

ხაბი ალონსომ კი პრესკონფერენცია მოურინიოზე საუბრით დაიწყო: "უკვე მეორე წელი იწყება,რაც მოუსთან ერთად ვმუშაობთ. ამ წელს ჩვენ ერთ მუშტად შეკრულები ვიქნებით და ვიბრძოლებთ ტიტულების მოსაგებად." ხაბიმ სუპერთასის ფინალზე დასმულ კითხვას თავი აარიდა: "ახლა ჩვენ ჩინეთში ვართ, გავდივართ მოსამზადებელ ეტაპს. ახლა სულ სხვა საზრუნავი გვაქვს და "ბარსელონაზე" ჯერ სულაც არ ვფიქრობთ." ბოლოს კი ალონსომ კლუბის მიზნებზე გაამახვილა ყურადღება: "ჩვენ მიზანი გვაქვს დასახული - უნდა მოვიგოთ ტიტულები. უკვე სწორ გზაზე ვდგავართ და დიდებისკენ მივისწრაფვით."