ლასანა დიარა გუშინ "ბერნაბეუზე" იმყოფებოდა. მან იქ 45 წუთი დაჰყო და გარეთ გამოსვლისას არანაირი კომენტარი არ გაუკეთებია.

26 წლის ნახევარმცველი ჟოზე მოურინიოს გეგმებში აღარ შედის, მითუმეტეს მაშინ, როცა "დორტმუნდიდან" ნური შაჰინი გადმოვიდა. ფრანგი ფეხბურთელი "რეალის" ამერიკულ ტურნეზე არ იმყოფებოდა და არც ახლა მიჰყვება გუნდს ჩინეთში.

მისით სერიოზულადაა დაინტერესებული "იუვენტუსი", "გალათასარაი" და "ტოტენჰემი". მას კონტრაქტი "რეალთან" 2013 წლის სეზონის ბოლოს ეწურება. "ბლანკოსის" მესვეურები ლასს 20 მილიონად აფასებენ.