მადრიდის "რეალის" პირველი გუნდი, ამერიკაში 12-დღიან ტურნეს ხვალ დაასრულებს. დღეს კი "თეთრებმა" ფილადელფიაში გამგზავრებამდე ფინალური სესია გამართეს. შეგახსენებთ, რომ ხვალ თბილისის დროით, დილის 5 საათზე "სამეფო კლუბი" "ფილადელფია იუნიონს" დაუპირისპირდება.

ფინალური სესია მოურინიოს შეგირდებმა შესანიშნავ ატმოსფეროში, გულშემატკივარის თანდასწრებით ჩაატარეს. UCLA-ს სამწვრთნელ ბაზაზე, მადრიდელებმა ვარჯიში გაწელვებით დაიწყეს. შემდეგ კი ძირითადად ტაქტიკურ სამუშაოებს ასრულებდნენ.


უკვე ტრადიციულად, "ბლანკოსის" მეკარეები განცალკევებულად, სილვინო ლოუროს ერთად ვარჯიშობდნენ. დღევანდელი ვარჯიში ტრავმების გამო, სერხიო რამოსმა, ხედირამ, ალონსომ და ნური შაჰინმა გამოტოვეს.