მოგეხსენებათ, მადრიდის "რეალის" ფორვარდის ძიებაშია, ერთ-ერთ მთავარ კანდიდატად კი კარლოს ტევესი მოიაზრება, რომელიც კორინთიანსში წასვლას გეგმავდა სხვადასხვა მიზეზების გამო...

არგენტინელ ფორვარდს აღარ სურს მანჩესტერ "სიტიში" დარჩენა, მისი განცხადებით ინგლისში თამაში უკვე მომაბეზრებელია და ჩემპიონატის შეცვლა, თავად მასზე იმოქმედებს დადებითად.

კორიანთიანსის მესვეურები ყველაფერს აკეთებდნენ იმისათვის, რომ კარლესი გადაებირებინათ, მაგრამ "ლურჯებთან" შეთანხმება ვერ შედგა, მანჩესტერელები დიდ თანხას ითხოვენ, რომელსაც ბრაზილიური კლუბი ვერ იხდის, აქედან გამომდინარე ტრანსფერთან დაკავშირებული მოლაპარაკებები ჩიხში შევიდა.

სამეფო კლუბი კვლავ განაგრძობს მანჩესტერული გუნდის მესვეურებთან მოლაპარაკებას, გავრცელებული ინფორმაციით ინგლისელები მზად არიან ტევესს 40 მილიონი ევროს სანაცვლოდ შეელიონ. ფლორენტინო პერესი ცდილობს, რომ ფასმა შედარებით დაიწიოს, მაგრამ ჯერ-ჯერობით არაფერი გამოდის.

მოლაპარაკებები მიმდინარეობის პროცესშია, დაველოდოთ მოვლენათა განვითარებას.