"ბედნიერი ვარ. ძალიან დაძაბული შეხვედრა იყო და ჩვენ ძალზედ მონდომებით გავისარჯეთ. მოგება არ არის ყველაზე მნიშვნელოვანი. რაც ყველაზე მთავარია , გუნდი შედის ფორმაში და მე ეს მახარებს. შესანიშნავი შემადგენლობა გვყავს, ამან მოგვცა საშუალება დღეს ორი სხვადასხვა წყობა გამომეყენებინა. არ დაგვავიწყდეს, რომ იგუაინი, შაჰინი და დი მარია გვაკლია. ყოველდღე უფრო და უფრო მეტს ვვარჯიშობთ და მზად ვართ შეჯიბრებისთვის."

"არ მიყვარს ინდივიდუალურად ფეხბურთელების გამორჩევა. გუნდმა ითამაშა კარგად და თამაშის ორივე ნახევარი თანაბარი სიძლიერით ჩაატარა. ეს თამაში მნიშვნელოვანი იყო კოენტრაოსთვის, ვინაიდან ის დაეხმარება მას ადაპტაციაში. მან კარგად ითამაშა და დაამტკიცა თავისი მაღალი კლასი. კალეხონი ბრწყინვალე იყო, ისევე როგორც ვარანე, რომელმაც არც თუ ისე ურიგო თამაში აჩვენა."

"დიდ კლუბებს არ ჩვევიათ კონკრეტულ ჩემპიონატზე კონცენტრირება. წინა სეზონში სამეფო თასი მოვიგეთ, მაგრამ ვიცით, რომ ჩემპიონთა ლიგა და ლა ლიგა უფრო მნიშვნელოვანია. წელს მათ მოგებასაც შევეცდებით. წაგებასა და მოგებას შორის განსხვავებებს პატარ-პატარა დეტალები განაპირობებენ. როგორც წესია, რაც უფრო მომზადებული ხარ, მით მეტი შესაძლებლობები გაგაჩნია. იმედი მაქვს, ეს პატარა დეტალები, ჩვენს მხარეს იქნება. ერთადერთი, რა პირობაც შემიძლია მოგცეთ არის ის, რომ ბევრს ვიშრომებთ."

"ვეცდები აკადემიის ფეხბურთელებს სათამაშო პრაქტიკა მივცე, ვინაიდან ისინი მომავალში ძალზედ გამოგვადგებიან. მე მჯერა, რომ მათ ჩვენი დახმარება შეუძლიათ."

"ზიდანი ერთ-ერთი ჩვენთაგანია. მან იცის, თუ რას ნიშნავს გუნდური მუშაობა და მას აქვს იმის შესაძლებლობა, რომ დაგვეხმაროს. მასთან თავს ძალიან კომფორტულად ვგრძნობ."

წყარო: RealMadrid.com