მადრიდის "რეალის" ორმა ფეხბურთელმა - კრიშტიანო რონალდომ და სერხიო რამოსმა, კომენტარი გააკეთეს დღევანდელ მატჩზე.

რონალდო: "ჩვენ ძალიან ბევრს ვშრომობთ იმისთვის, რომ ვაჩვენოთ უმაღლესი დონის ფეხბურთი.
დღევანდელი გამარჯვება იყო უმნიშვნელოვანესი, რადგან ყოველთვის რთულია სეზონის პირველი მატჩის ჩატარება. ჩვენ ბრწყინვალე თამაში ვაჩვენეთ. ეს კი სასიხარულოა.
კოენტრაომ, კალეხონმა და ვარანემ შესანიშნავი მატჩი ჩაატარეს. მათთან ერთად, "ბლანკოსს" ძალიან ბევრის მიღწევა შეუძლია.
ძალიან სასიამოვნოა, როცა შენს გვერდით ზიდანი იმყოფება. ეს ჩვენთვის დიდი სტიმულია და მისი დახმარება ძალიან გამოგვადგება."

რამოსი: "გუნდი ნელნელა ფორმაში შედის. ჩვენ ასეთ ტემპში უნდა გავაგრძელოთ პროგრესი. ახალწვეულებმა ბრწყინვალე თამაში აჩვენეს. დარწმუნებული ვარ, ისინი დიდ დახმარებას გაუწევენ "ბლანკოსს"."