მადრიდის ”რეალის” პორტუგალიელი ახალწვეული, ფაბიო კოენტრაო, შესაძლებელია მოურინიოს ”ჯოკერად” იქცეს, რადგან მას საკმაოდ ბევრ პოზიციებზე შეუძლია კარგად თამაში. ამპლუით, ის მარცხენა მცველია, თუმცა ასევე თამაშობს ცენტრალური ნახევარმცველისა და მარცხენა მცველის პოზიციებზეც...

23 წლის პორტუგალიელმა უკვე გააკვირვა მოურინიო მისი უნივერსალურობით. ჟოზეს განცხადებით, კოენტრაო ძალიან დიდ სარგებელს მოუტანს მის გუნდს სეზონის განმავლობაში, რადგან, მას ბევრ პოზიციაზე შეუძლია თავის კარგად წარმოჩენა. ”სეზონი გრძელია და კაცმა არ იცის რა პოზიციაზე დაგვჭირდება ფაბიოს დახმარება” - ეს სიტყვები ჟოზეს ეკუთვნის.

საერთოდ, მოურინიოს ძალიან უყვარს უნივერსალი ფეხბურთელები, რომლებსაც შეუძლიათ, დაცვაც და შეტევას. სწორედ ასეთია, კოენტრაო. უნდა აღინიშნოს, რომ, მარსელოს სახით, ”რეალს” ძალიან კარგი მარცხენა მცველი ჰყავს და სავარაუდოდ მას ვერავინ შეცვლის მომავალ სეზონში. სწორედ, ამიტომ შესაძლებელია რამოსის ცენტრში შეწევა და კოენტრაოს მარჯვნივ დაყენება.


წყარო:marca.com