სამეფო კლუბის ესპანელმა ფეხბურთელმა, ხაბი ალონსომ ინტერვიუში ზინედინ ზიდანსა და გუნდში მიმდინარე მოვლენებზე ისაუბრა...

"უკვე შევისწავლეთ "გალაქსის" სათამაშო სტილი და სპეციფიკა, მათ ნამდვილად კარგი გუნდი ჰყავთ. დონოვანი, ბექჰემი, ხუან პაბლო. მარტო ამ ფეხბურთელთა ჩამოთვლა რად ღირს. ასე, რომ დარწმუნებული ვარ დიდი ბრძოლა გველის და იმედი მაქვს წარმატებას მივაღწევთ, გვსურს პირველ შეხვედრაში თავი კარგად წარმოვაჩინოთ და საკუთარ თავებს დავდაჯერებულობა შევმატოთ."

"კოენტრაოს შესრულებული სამუშაო და სათამაშო კლასი ძალიან მომწონს, პორტუგალიელ ფეხბურთელს ისედაც ყველა იცნობდა, რადგან მან თავი ადრე წარმოაჩინა, ფაბიო გუნდს ძალიან გამოადგება, რადგან უმაღლესი კლასის ფეხბურთელია, მასში ყველაზე კარგი ის არის, რომ უნივერსალია და მრავალ პოზიციაზე შეუძლია თამაში."

"ნური შაჰინის დაზიანებამ ყველა შეგვაშფოთა, მაგრამ იმედს გამოვთქვამ ყველაფერი წესრიგში სულ მალე მოვა. თურქმა მოთამაშემ მცირე დროში დაიმსახურა მწვრთნელის და თანაგუნდელების სიმპათია, ამ ბიჭს დიდი მომავალი აქვს."

"ზინედინ ზიდანი "ბლანკოსში" უდიდეს საქმეს აკეთებს, მისი ავტორიტეტი ხელშეუხებელია, ფრანგს ყველა პატივს სცემს, რადგან იგი სწორედ მსოფლიო ფეხბურთის ლეგენდაა, ზიზუ ჩვენთან ერთად იმყოფება და ამას ბევრი პოზიტიური შედეგი მოაქვს, ზინედინი მადრიდის "რეალისთვის" დიდ სიკეთეს აკეთებს."