ფაბიო კოენტრაო ცნობილია იმით, რომ ის უნივერსალია. იგი ერთნაირი წარმატებით თამაშობს, როგორც შეტევაში, ისე დაცვაში. მის მომავალ პოზიციასთან დაკავშირებით, ჟოზე მოურინიომ მცირე კომენტარი გააკეთა.

მადრიდის ''რეალის'' ყველაზე ძვირადღირებული შენაძენი მიმდინარე სეზონში ფაბიო კოენტრაოა. ის ლოს ანჯელესშია და კლუბთან ერთად ვარჯიშობს. როგორც ჩანს, მან უკვე მოახერხა ჟოზე მოურინიოს მოწონება.

ერთი შეხედვით, კოენტრაო ბრაზილიელი მარსელოს კონკურენტი უნდა ყოფილიყო დაცვის მარცხენა ფრთაზე, თუმცა, როგორც ჩანს, ''განსაკუთრებული'' სხვაგვარად ფიქრობს.

მოურინიომ the daily As – თან ინტერვიუში განაცხადა, რომ კოენტრაო ძალიან ტექნიკური ფეხბურთელია და რომ იგი ხედირას კონკურენტი იქნება და არა მარსელოსი. ანუ ჟოზეს განზრახული აქვს კოენტრაო ათამაშოს ცენტრში. ლასანა დიარას წასვლის შემდეგ, ამ დანაკლისს კოენტრაო ამოავსებს.


წყარო :http://www.defensacentral.com