''შალკე 04 '' – ის მწვრთნელმა რალფ რანგნიკმა განაცხადა, რომ გუნდს პრობლემები აქვს მთავარ ვარსკვლავთან, რაულთან. ყველაფერი იქით მიდის, რომ რაულისა და გერმანული კლუბის გზები მალე გაიყოფა. როგორც, ჩანს გერმანიაში ყველას არ ჰყვარებია მადრიდის ''რეალის'' ცოცხალი ლეგენდა.

რაულ გონსალესი, რომელიც ''შალკეს'' ფელიკს მაგათის მოთხოვნით შეუერთდა, რამდენიმე საათის წინ გახდა ახალი მწვრთნელის კრიტიკის ობიექტი.
''რაულს თავდამსხმელის თვისებები დაკარგული აქვს, მან დაკარგა სისწრაფე, წინა სეზონში მხოლოდ ფარფანი გვყავდა სწრაფი ფორვარდი, მე თამაშის აგება სისწრაფეზე მსურს და არა ტაქტიკურ გადატვირთვებზე ''– ამბობს რანგნიკი.

ცნობილი გახდა, რომ გერმანელ მწვრთნელს სურს კევინ კურანის დაბრუნება ''შალკეში''.

ცნობისთვის, რაულმა მის სადებიუტო სეზონში გაიტანა 19 გოლი და ''შალკე'' გაიყვანა ჩემპიონთა ლიგის ნახევარ ფინალში, ამ გუნდს მსგავსი შედეგი ჯერ არ ღირსებია და შეიძლება ვერც ვეღარასოდეს ეღირსოს.

წყარო : http://es.eurosport.yahoo.com