"სანტოსის" პრეზიდენტი თითქმის დღეში ორჯერ აკეთებს განცხადებებს ნეიმართან დაკავშირებით. ხშირ შემთხვევაში ის აცხადებს,რომ არ აპირებს მის გაშებას, ზოგჯერ იძახის, თავად მან გადაწყვიტოს მისი ბედიო, ახლა კი ერთი საინტერესო რამ გაუმხილა Globoesporte-ს ჟურნალისტს.

"ნეიმარს ძალიან სურს მსოფლიოს საკლუბო ჩემპიონატის მოგება "სანტოსის" შემადგენლობაში. შემდგომში გადაწყვეტილება თვითონ უნდა მიიღოს. არიან კლუბები,რომელნიც მზად არიან გადაიხადონ 45 მილიონი მასში. " - განაცხადა ლუის ალვარო რიბეირომ.

შეგახსენებთ,რომ ბრაზილიელ ტალანტზე სამი ევროპული გრანდი "ნადირობს" : "რეალი", "ბარსელონა" და "ჩელსი". ამჯერად ყოველგვარი მოლაპრაკებები შეწყვეტილია, რადგან რამდენიმე საათში "კოპა ამერიკა" იწყება არგენტინაში და ნეიმარი ბრაზილიის ნაკრებთან ერთად იმყოფება აღნიშნულ ჩემპიონატზე. სავარაუდოდ სწორედ "კოპა ამერიკის" შემდეგ გადაწყდება მისი ბედი.