მეგობრებო, ”სუპერკლასიკოს” დაწყებამდე რამდენიმე საათით ადრე, ერთი მეტად საინტერესო კითხვა დამებადა.

ბევრი ვიფიქრე თუ ცოტა ვიფიქრე, გადავწყვიტე თქვენი აზრიც გამეგო ამ საკითხთან დაკავშირებით.მაინც როგორ ფიქრობთ, წელსაც იქნება ღორის თავები ”ნოუ კამპზე?”ვგონებ, იქნება და ამჯერად უკვე თვით ჟოზე მოურინიოს მისამართით.

ალბათ, ყველას გახსოვთ, თუ როგორ თბილად დახვდნენ ლუიშ ფიგუს ”კამპ ნოუზე.”დიახ, ხაზგასმით ვამბობ, რომ თბილად დახვდნენ, რამეთუ ქართული ტრადიციების თანახმად, ”ღორის თავი” თამადასთან არ მიაქვთ? შესაბამისად, ეს ხომ პატივია თამადისთვის? ნუთუ კატალონიელებმა იბერიული წეს-ჩვეულებანი აღიტაცეს და ლუიში ”ნოუ კამპის” თამადად შერაცხეს?

აქვე მინდა აღვნიშნო, რომ ფიგუს ”კაი” ჩასუქებულ ღორის თავთან ერთად, მონეტები, სანთებელები, გოლფის ბურთები, ვისკიდ ბოთლები ერგო.ნუ ეხლა, ადამიანი ”ნოუ კამპის” პუბლიკის ”საკმაოდ ზნეობრივ” საქციელებს თუ არ იცნობს, ამ ჩამონათვალის ნახვის შემდეგ, გარკვეული შთაბეჭდილება შეექმენა კატალონიელთა საამაყო არენაზე, რომელიც ძალიან ბევრ ”ზრდილობიანს” იტევს.

და ბოლოს, Goal.com-მა იმ ”საგნების” ნუსხა გამოაქვეყნა, რომლებიც შესაძლებელია მოურინიოს ”უმისამართონ” ”ნოუ კამპზე.”საინტერესოა, რომ საკმაოდ ჭარბ ჩამონათვალში, წყლის ბუშტებიდან დაწყებული, ცხენის თავით დამთავრებული, ყველაფერი მოხვდა.

და მაინც როგორ ფიქრობთ, წლეულს იქნება ღორის თავი ”ნოუ კამპზე?”