ზინედინ ზიდანმა „ლევანტესთან“ მატჩის შემდეგ პრესკონფერენცია გამართა.

„საკმაოდ რთული მატჩი იყო, მაგრამ აბსოლუტურ უპირატესობას ვფლობდით და თუ არ ჩავთლვით 10-15 წუთიან ჩავარდნას, მთელი დროის მანძილზე სადავეები ჩვენს ხელთ იყო.“

„ბიჭებს დიდ მადლობას ვუხდი, ვინაიდან საკმაოდ ეფექტური ფეხბურთი ითამაშეს და გაცილებით მეტი გოლის გატანაც შეეძლოთ.“

„ლა ლიგა ახლა დაიწყო. 4 მატჩიდან 3 მოვიგეთ, ხოლო 1 შემთხვევაში ფრეს დავჯერდით. ვფიქრობ, ცუდი შედეგები არ გვაქვს, მაგრამ პარალელურად ხარისხს გავაუმჯობესებთ და ვეცდებით, რომ პირველი ადგილი დავიკავოთ.“

„„ლევანტეს“ რამდენიმე რეალური მომენტი ჰქონდა. თამამად შეიძლება ითქვას, რომ ჩვენ იმ მომენტებში გადავრჩით, თუმცა ნურც იმას დავივიწყებთ, რომ მადრიდის „რეალი“ დომინირებდა და გოლის გატანა კიდევ ბევრჯერ შეეძლო.“

„გოლების ნაკლებობა? ამაზე ნამდვილად არ ვღელავ, ვინაიდან გაუმჯობესებადი კომპონენტია. ვფიქრობ, ცუდი შედეგები ნამდვილად არ გვაქვს.“

„რაც შეეხება კურტუას, ის შესანიშნავად გამოდის და ძალიან თავდაჯერებულიც გახლავთ. ბელგიელის როლი ნამდვილად დიდია.“

„კარის მშრალად შენახვა მნიშვნელოვანი იყო. 4 ტურში მინიმალური რაოდენობის გოლები გვაქვს გაშვებული.“

„ვინისიუსმა ნაყოფიერი მატჩი გამართა. გაფუჭებულ მომენტებზე არ ვისაუბრებ, რადგან მან გოლის გატანა და გამარჯვებაში დიდი წვლილის შეტანა შეძლო.“

„უკვე გითხარით, რომ ამაზე არ ვისაუბრებ!.“