როგორც მოგეხსენებათ, კვირას მადრიდის "რეალი" მადრიდის "ატლეტიკოს" დაუპირისპირდება. ეს მატჩი რასაკვირველია უდიდეს ინტერეს იწვევს. სამეფო კლუბის მცველმა, რაულ აბლიოლმა ამ მატჩზე ისაუბრა.

"ლა ლიგის ფინიშამდე ჯერ კიდეევ ბევრი დროა დარჩენილი. ჩვენ ჯერ მხოლოდ 9 მატჩი გავმართეთ და ვფიქრობ გასული სეზონისგან განსხვავებით წელს უკეთესნი ვართ. ჩვენ მხოლოდ კვირის მატჩზე უნდა ვიყოთ კონცენტრირებული. ეს იქნება ბრწყინვალე შეხვედრა, რადგან დერბი ყოველთვის დაძაბულია. ჩემი აზრით ამ მატჩში ფავორიტები ვართ, რადგან სახლში ვთამაშობთ.”

ალბიოლმა დიეგო ფორლანზე და სერხიო აგუეროზეც გააკეთა კომენტარი.”ისინი არიან ლიდერები, თუმცა ”ატლეტიკო” ამ ფეხბურთელებზე დამოკიდებული არ არის. ჩვენ ვიცით, რომ ბევრი საგოლე მომენტი შეგვექმნება, თუმცა არავინ იცის ამ მატჩში რა მოხდება.ვიმედოვნებ გავიმარჯვებთ და მორიგ სამ ქულას მოვიპოვებთ.”

რაულმა პედრო ლეონის გატანილ ბურთზეც ისაუბრა. როგორც მოგეხსენებათ, პედრო ამ სეზონში პირველი ესპანელი მოთამაშეა, რომელმაც ”რეალის” მაისურით გოლი გაიტანა.”კასილასი და რამოსი ბრწყინვალე დამცველები არიან. შეტევაში კი დი მარია, რონალდო და იგუაინი გვყავს. ლეონის გოლი ”როსონერის” კარში მნიშვნელოვანი იყო. ის ესპანელია და გუნდს დაეხმარა, მაგრამ ეს უმნიშვნელოა. ყველა უნდა დავეხმაროთ გუნდს. რონალდოს წელს საუკეთესო ბომბარდირის ტიტულის მოგება შეეძლება. ის უამრავ გოლს იტანს."������� dle 10.1������� ������� ������