მატჩი, რომელიც სამეფო კლუბმა "მილანის" წინააღმდეგ გამართა, შესანიშნავი გამოდგა, რონალდოსთვის. პორტუგალიელმა ვარსკვლავმა ბრწყინვალე შთაბეჭდილება დატოვა და გოლის გატანაც მოახერხა, იგი იყო საუკეთესო მოთამაშე "ბლანკოსის" მხრიდან. კრიშტიანომ დაამტკიცა, რომ მსოფლიოს ერთ-ერთი საუკეთესო ფეხბურთელია და სამეფო კლუბისთვის ბევრი რამის გაკეთება შეუძლია...

ფეხბურთელი იდეალურ ფორმაშია და ამაზე სტატისტიკაც მეტყველებს. პორტუგალიელმა ფეხბურთელმა ოქტომბრის თვეში უკვე ჩაატარა 5 მატჩი და 7-ჯერ მოახერხა მეტოქის კარის აღება. აქედან 3 თამაში რონალდომ "რეალის" რიგებში გამართა ხოლო 2 მატჩი პორტუგალიის ეროვნულ ნაკრებში. მისი თითოეული შეხება ბურთთან სახიფათოა.

შესანიშნავი სერია 3 ოქტომბერს დაიწყო, როდესაც რონიმ ლაკორუნიის დეპორტივოს კარის აღება მოახერხა, საბოლოოდ ის მატჩი მადრიდელებმა 6-1 მოიგოს. შემდეგ კრიშტიანო პორტუგალიის ნაკრებს დაეხმარა 2 მატჩში 2 გოლით, ხოლო შემდეგ იყო მალაგა, მალაგელებს ახალგაზრდა მოთამაშემ 2 გოლი გაუტანა, ამის შემდეგ კი ჩემპიონთა ლიგის დროც მოვიდა. ამელიას კარში მე-13 წუთზე სტანდარტიდან გოლი გავიდა, ავტორი კი რა თქმა უნდა კრიშტიანო იყო.

კრიშტიანო რონალდო ამჟამად ლა ლიგის ბომბარდირთა დავასაც ლიდერობს 6 გოლით, იგი "პიჩიჩის" ტიტულის მოგების ერთ-ერთი მთავარი კანდიდატია. პორტუგალიელი ფეხბურთელი ასევე ყველაზე მეტჯერ ურტყამს კარის მიმართულებით, მისი მაჩვენებელი 55-ია. რონალდო ასევე გამოირჩევა ასისტენტის ფუნქციითაც, მან უკვე შეძლო და 4 საგოლე გადაცემა გააკეთა.

ოქტომბრის თვე ჯერ არ დასრულებულა. ასე, რომ მადრიდელი გულშემატკივრები პორტუგალიელი ვარსკვლავისგან შედეგის კიდევ უფრო გაუმჯობესებას ელოდებიან.������� dle 10.1������� ������� ������