ჯენარო გატუზო: "რეალთან" თამაში საინტერესო იქნება
მილანის იტალიელმა ნახევარმცველმა, ჯენარო გატუზომ, მადრიდის "რეალზე" ისაუბრა, მისი აზრით სამეფო კლუბთან მატჩი, რომელიც ჩემპიონთა ლიგის ეგიდით გაიმართება ძალიან საინტერესო იქნება, რადგან მილანიც და "ბლანკოსიც" ძალიან გაძლიერდნენ და ორივეს სურს ევროპის ყველაზე პრესტიჟული ტურნირის მოგება...
"ჟოზე მოურინიოს მისვლის შემდეგ, სამეფო კლუბი კიდევ უფრო გაძლიერდა და მათთან თამაში რა თქმა უნდა დიდ ინტერესს გამოიწვევს, დარწმუნებული ვარ მილანი შეძლებს ესპანური გრანდის დამარცხებას, ჩვენ მათთან ყოველთვის დამაჯერებლად ვასპარეზობდით და ეს ტრადიცია აუცილებლად გაგრძელდება."
"ზლატან იბრაჰიმოვიჩი ჩვენს გუნდს კარგად შეეწყო და უკვე მოახერხა გოლების გატანა, დარწმუნებული ვარ იგი "ბლანკოსის" კარსაც აიღებს, მას არ უყვარს მადრიდის "რეალი" და ძალიან ელოდება მატჩს სანტიაგო ბერნაბეუზე."
"ჯგუფის ფავორიტები რაღა თქმა უნდა ჩვენ და "თეთრები" ვართ, დარწმუნებული ვარ პირველ ადგილზე მოვახერხებთ გასვლას და სხვა ჯგუფის მეორეადგილოსანს შევხვდებით, მილანის წლევანდელი შემადგენლობა აუცილებლად მოახერხებს ჩემპიონთა ლიგის მოგებას, კიდევ ერთხელ მინდა ამ თასის ხელში დაჭერა და ჩემპიონობა."
- 24 სექტემბერი 2010
- 2093
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
