“კასტილიამ’ პირველი შენაძენი გააკეთა
მადრიდის “რეალის” სარეზერვო გუნდმა პირველი შენაძენი გააკეთა. “კასტილიამ” თანაქალაქელი ”ატლეტიკოს” სარეზერვო გუნდიდან თავდამსხმელი, რუბენ რამოსი შეიძინა.
რამოსი 1989 წლის 31 იანვარსაა დაბადებული. 14 წლის განმავლობაში ის “როხიბლანკოს” ახალგაზრდული გუნდების ღირსებას იცავდა. გასულ წელს კი, მისი დებიუტი უკვე მთავარი გუნდის რიგებში შედგა. რამოსი სეზონის წინა მოსამზადებელ ეტაპზეც გაჰყვა გუნდს და სამი შეხვედრის ჩატარებაც მოასწრო. მის გადაბირებას “ბარსელონა” და “ვილიარეალიც” ცდილობდნენ, თუმცა საბოლოო ჯამში, ფეხბურთელმა “რეალს” მიაშურა.
რამოსი ცენტრალური თავდამსხმელია. გასულ სეზონში ის “ატლეტიკოს” სარეზერვო გუნდის კაპიტანი და საუკეთესო ბომბარდირი გახლდათ.
“კასტილიას” გენერალური დირექტორის, რამონ მარტინესის თქმით, ერთი კვირის ვადაში, გუნდის ახალი მწვრთნელის ვინაობაც გახდება ცნობილი. შენაძენები კი, ახალი თავკაცის მოთხოვნით განხორციელდება. ამას გარდა, “კასტილიაში” დაახლოებით 7 ფეხბურთელის გადმოსვლა იგეგმება “რეალი მადრიდ ცედანაც.”
ინფორმაციის წყარო: As.Com
- 3 ივლისი 2009
- 5577
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.