რაულ გონსალეს ბლანკოს შეგირდებმა მეტად მნიშვნელოვანი გამარჯვება მოიპოვეს.

4 მატჩიანი წარუმატებელი სერიის (2 მარცხი და 2 ფრე) შემდეგ, ესპანეთის PRIMERA RFEF-ის 29-ე ტურის ფარგლებში, „რეალ მადრიდ კასტილია“ „ლინენსეს“ ესტუმრა და 1-2 დაამარცხა. აღსანიშნავია, რომ შეხვედრაში ანგარიში არიბასმა გახსნა და მანვე გაიტანა გამარჯვების გოლიც. ახალგაზრდა ნახევარმცველს ორივე შემთხვევაში შესანიშნავი გასროლა გამოუვიდა.

ამრიგად, „კასტილია“ უკვე 52 ქულასა და მეორე პოზიციას მოითვლის. „თეთრები“ 4 ქულით ჩამორჩებიან „ალკორკონს,“ რომელმაც მიმდინარე უქმეებზე მარცხი განიცადა. რაც შეეხებათ „ფეროლსა“ და „დეპორტივოს,“ (შესაბამისად, 52 და 51 ქულა), ისინი 29-ე ტურის მატჩებს მოგვიანებით გამართავენ.

„კასტილიას“ შემადგენლობა განვლილ მატჩში: დე ლუისი, ტობიასი, რაფა მარინი, კარილიო, მარველი, ტეო, არიბასი, პეტერი (პაბლო რამონი, 80’), ალვარო მარტინი, ნიკო პასი (არანდა, 63’) და არლვარო (დოტორი, 80’).
გოლები: 0-1, 1-2 არიბასი (22,' 60'), 1-1 ჟოაო პედრო

მომდევნო ტურში მადრიდელები „სან სებასტიან რეისს“ უმასპინძლებენ (1-ელ აპრილს).