„ყოველთვის მინდა ვითამაშო და ამას მწვრთნელსაც ვეუბნები. ის კი მპასუხსობს, რომ საჭიროა სიმშვიდის შენარჩუნება. მას პატივს ვცემ და ვიცი, ძალიან კარგი ფეხბურთელები გვყავს, მაგრამ აქ გუნდის დასახმარებლად ვარ და შესაბამისად, მოედანზე გასვლის გარეშე ვერ შევძლებ. ჩემი სურვილია სასტარტო შემადგენლობაში ასპარეზობა“

„ანჩელოტი დიდებული მწვრთნელია. მასთან ძალიან კარგი ურთიერთობა მაქვს.“

„ძალიან მომწონს ასპარეზობა „ათიანის“ პოზიციაზე. სიმართლეს შეესაბამება ის ფაქტი, რომ წინა ხაზში ნებისმიერი ამპლუის მორგება შემიძლია, თუმცა ჩემზე რომ იყოს დამოკიდებული, ნახევარდაცვაში გავმაგრდებოდი.“

„ჩემსა და მოდრიჩს შორის შესანიშნავი ურთიერთობა სუფევს, როგორც მოედანზე, ასევე მის გარეთ. ლუკა ერთ-ერთია ვინც ყოველთვის რჩევებს მაძლევს. მას დიდი გამოცდილება უმაგრებს ზურგს და ძალიან მინდა, მისი მსგავსი გზა გავიარო. ჩემთვის მოდრიჩის გვერდით ყოფნა დიდი პატივია.“

„მიმდინარე სეზონში საკმაოდ მჭიდრო კალენდარი მოქმედებს და ფაქტობრივად, მატჩიდან მატჩამდე ვერ ვასწრებთ სრულფასოვანი აღდგენის გაკეთებას, თუმცა მე ძალიან მომწონს ეს. როდესაც წარუმატებელ შეხვედრას ჩაატარებ, შანსი გაქვს მალევე გამოასწორო ყველაფერი, ან პირიქით, კარგად ასპარეზობის შემთხვევაში, ფიქრობ, რომ გააგრძელო ასეთი სვლა. ჩვენ ყოველთვის გამარჯვებისთვის გავდივართ მოედანზე.“

„„სიტისთან“ შარშანდელი დაპირისპირება? რთულია ამ ყველაფრის სიტყვებით გადმოცემა. ვფიქრობ, ასეთი შეგრძნებები არსადაა, როგორც ფეხბურთში. აღნიშნული 2 გოლი ყველაზე მნიშვნელოვანია ჩემს ცხოვრებაში.“