„კასტილიამ“ მიჯრით მეორე მარცხი იწვნია.

ესპანეთის PRIMERA RFEF-ის 25-ე ტურის ფარგლებში, რაულის შეგირდებმა „ალფრედო დი სტეფანოზე“ „რაიო მახადაჰონდა“ მიიღეს. ნოელის გოლის წყალობით მასპინძლები მე-5 წუთზე დაწინაურდნენ და აღნიშნულ ანგარიშის 89-ე წუთამდე ინარჩუნებდნენ, მაგრამ საკმაოდ მოკლედ პერიოდში, სტუმრებმა 2 შედეგიანი დარტყმა ჩაიწერეს აქტივში და წინა მატჩის მსგავსად („სან ფერნანდოსთან“), ბოლო წუთებზე გაატანეს ქარს ქულები.

მოგების შემთხვევაში „კასტილიას“ შანსი ჰქონდა სატურნირო ცხრილის მეორე საფეხურზე დაწინაურებულიყო და ლიდერთან 2 ქულამდე შეემცირებინა სხვაობა, თუმცა ახლა ისევ მე-3 პოზიციას სჯერდება 48 ქულით და 2-ით ჩამორჩება „დეპორტივოს,“ რომელსაც მომდევნო ტურში შეერკინება (12 მარტს), ხოლო უკვე 5-ით „ალკორკონს.“

„კასტილიას“ შემადგენლობა განვლილ მატჩში: დე ლუისი, ტობიასი, რაფა მარინი, კარილიო, მარიო მარტინი, ნოელი (არანდა, 73'), არიბასი, პეტერი (ნიკო პასი, 73'), ალვარო მარტინი (ტეო, 68'), ობრადორი და ედგარი.
გოლები: 1-0 ნოელი (5'), 1-1 დავიდ როდრიგესი (89'), 1-2 ზოზოლუა (90+4')