კოლუმბიაში მიმდინარე სამხრეთ ამერიკის 20 წლამდელთა ჩემპიონატზე საკმაოდ საინტერესოდ ვითარდება მოვლენები.

ტურნირის დასრულებამდე ბოლოსწინა ტურში, ბრაზილიის ნაკრებმა ნულოვანი ფრე გააგორა მასპინძელ გუნდთან, რითაც ურუგვაიმ ისარგებლა და პარგვაელების მინიმალური ანგარიშით დამარცხების წყალობით, სატურნირო ცხრილს ერთიპორვნულად ჩაუდგა სათავეში.

განვლილი მატჩი სასტარტო შემადგენლობიდან დაიწყო ალვარო როდრიგესმა. მან 65 წუთი გაატარა მოედანზე, მაგრამ თავის გამოჩენა ვერ მოახერხა.

აღსანიშნავია, რომ 13 თებერვალს, მარსელო ბროლის შეგირდები სწორედ „სელესაოელ“ ახალგაზრდებს დაუპირისპირდებიან. გამომდინარე იქედან, რომ ისინი „ყვითლებს“ 2 ქულით უსწრებენ, ფრეც ჰყოფნით ჩემპიონობისათვის.

„კასტილიელი“ თავდამსხმელი აღნიშნულ ჩემპიონატში 5 გოლს მოითვლის და მხოლოდ ერთით ჩამორჩება ვიტორ როკის.

ინფორმაციისათვის, დაფიქსირებული შედეგებიდან გამომდინარე, ბრაზილიამ და ურუგვაიმ უკვე გაინაღდეს საგზური მსოფლიოს 20 წლამდელთა ჩემპიონატზე, რომელიც 20 მაისს, ინდონეზიაში აიღებს სტარტს.