„რთული შეხვედრა გამოდგა გუნდის წინააღმდეგ, რომელიც მატჩის მიმდინარეობისას პროგრესირებდა. პირველი ტაიმის დებიუტშივე მოვიპოვეთ თამაშზე კონტროლი, თუმცა „ვალიადოლიდი“ კარგად გამოიყურებოდა. არ ვფიქრობ, რომ საიმედოდ ვიცავდით თავს, მაგრამ მიუხედავად ამისა 3 ქულა მოვიპოვეთ. კურტუამ და ბენზემამ დიდებულად იასპარეზეს. მიმდინარე წელი ამაღლებულ ნოტზე დავასრულეთ.“

„განვლილი დაპირისპირება დადებითად იმოქმედებს კარიმზე. ვიცოდი, რომ ამ შერკინებაში ფრანგის როლი მნიშვნელოვანი იქნებოდა. ის ძალიან მოტივირებული და თავდაჯერებულია. ამიერიდან განსხვავებულ ბენზემას იხილავთ.“

„რაც შეეხება აზარს, მომდევნო მატჩში მიეცემა თავის გამოჩენის საშუალება.“

„კამავინგა ნიშანდობლივი ფიგურაა. როდესაც ბურთი უჭირავს ფანტასტიკურად გამოიყურება. მან უნდა გააუმჯობესოს უბურთოთ ასპარეზობა და ეს იცის. მოხარულნი ვართ ედუარდოს გუნდში ყოფნით. მისი თვისებები და ენერგია დიდ დახმარებას გვიწევს.“

„პირველი ტაიმის ეპიზოდი გავაპროტესტე, ვინაიდან ვფიქრობ, რომ პენალტი უნდა დანიშნულიყო. კარგად ვერკვევი ხელით თამაშის კრიტერიუმებში. ჩემი კოლეგის აზრით კი, მსაჯი არასწორად მოიქცა, როდესაც მატჩის მიწურულს თერტმეტმეტრიანი დააფიქსირა. ჩვენ ვალდებულნი ვართ დავეთანხმოთ არბიტრის გადაწყვეტილებებს.“