საფრანგეთის ეროვნულმა ნაკრებმა, რომელიც გადახალისებული შემადგენლობით ასპარეზობდა ტუნისის წინააღმდეგ, მარცხი განიცადა (0-1).

აფრიკელებთან შეხვედრაში მოედანზე საწყისი წუთებიდან ირჯებოდნენ და შეუცვლელად იასპარეზეს ოურელინ ჩუამენმა და ედუარდო კამავინგამ. აღსანიშნავია, რომ ამ უკანასკნელმა სადებიუტო პაექრობა გამართა მუნდიალზე.

დიდიე დეშამმა კამავინგა დაცვის მარცხენა ფრთაზე განამწესა, თუმცა მიხუედავად უჩვეულო პოზიციისა, მან კარგად გაართვა თავი დაკისრებულ მოვალეობას (117 შეხება ბურთთან, 18 მოგებული დუელი, 11 ვარდნა, 5 დაჯარიმებული მეტოქე, 3 ჩაწოდება, 1 შექმნილი შანსი და 1 დრიბლინგი).


ტუნისი: დაჰმენი; განდრი, მერია, ტალბი; კეჩრიდა, სხირი, ლაიდუნი, მაალუი; სლიმანი (აბდი 83), ხაზრი (ჯებალი 60), ბენ რომდანი (შალელი 74)
მწვრთნელი: ჯალალ კადრი

საფრანგეთი: მანდანდა; ფოფანა (გრიზმანი 73), კონატე, ვარანი (სალიბა 63), დისასი; გენდუზი (დემბელე 79), ჩუამენი, კამავინგა; ვერეტუ (რაბიო 63); კოლო მუანი, კომანი (მბაპე 63)
მწვრთნელი: დიდიე დეშამი

გოლი: 1:0 ხაზრი (58)

მერვედფინალურ ეტაპზე „მამლები“ C ჯგუფის მეორე ადგილოსანს შეხვდებიან (არგენტინა/საუდის არაბეთი/პოლონეთი/მექსიკა).
������� dle 10.1������� ������� ������