რობერტო მარტინესის დარიგებულებმა ჯგუფური ეტაპის საწყის მატჩში მინიმალური ანგარიშით სძლიეს კანადას (1-0).

აღსანიშნავია, რომ შეხვედრის დებიუტში პენალტის მოგერიება მოახერხა ტიბო კურტუამ. „რეალის“ კარის დარაჯმა ალფონსო დევისს არ მისცა საშუალება თავი გამოეჩინა. ამასთანავე, ტიბო ეროვნული ნაკრების ისტორიაში გახდა პირველი გოლკიპერი, რომელმაც 1966 წლის შემდეგ თერთმეტმეტრიანის განეიტრალება შეძლო. რაც შეეხება ედენ აზარს, შემტევი თავიდანვე კაპიტნობდა შემადგენლობა, თუმცა 62-ე წუთზე შეცვალეს. ის საკმაოდ ეფექტურად მოქმედებდა მოედანზე.

ბელგია: კურტუა; დენდოკერი; ალდერვეირელდი, ვერტონგენი; კასტანიე, ტილემანსი (ონანა 46), ვიტსელი, აზარი (ტროსარი 62), კარასკო (მუნიე 46); დე ბრუინი, ბატშუაი (ოპენდა 78)
მწვრთნელი: რობერტო მარტინესი

კანადა: ბორიანი; ჯონსტონი, ვიტორია, მილერი; ლარიეა (ადეკუგბე 74), ჰატჩინსონი (კონე 58), ეუშტაკიუ (ოსორიო 81), დევისი; ბიუკენენი (მილარი 81), დევიდი, ჰოილეტი (ლარინი 58)
მწვრთნელი: ჯონ ჰერდმანი

გოლი: 1:0 ბატშუაი (44)

მომდევნო ტურში „წითელი ეშმაკები“ მაროკოს შეერკინებიან (27 ნოემბერს, 17:00 საათზე).