როგორც იცით, გუშინ, ოფიციალურად აიღო სტარტი მსოფლიოს 2022 წლის ჩემპიონატმა. სადებიუტი შეხვედრაში ეკვადორმა 2 უპასუხო გოლი გაუტანა მასპინძელ კატარს.

მუნდიალზე სამეფო კლუბის 12 ფეხბურთელი მიიღებს მონაწილეობას. აღნიშნული მაჩვენებელი ერთით მეტი უნდა ყოფილიყო, თუმცა ტრავმის გამო კარიმ ბენზემა კვლავ ესპანეთის დედაქალაქში დაბრუნდა.

უშუალოდ ტურნირის მიმდინარეობაში მადრიდელები ხვალიდან (22 ნოემბერი) ჩაერთვებიან. ოურელინ ჩუამენი და ედუარდო კამავინგა ავსტრალიის ნაკრებს დაუპირისპირდებიან (23:00 საათზე).

23 ნოემბერი დატვირთული დღე იქნება „რეალის“ გულშემატკივრებისათვის. ანტონიო რუდიგერი იაპონიასთან (17:00) გაირჯება, დანი კარვახალი და მარკო ასენსიო კოსტა-რიკას შეერკინებიან (20:00), ტიბო კურტუა და ედენ აზარი კანადის ძლევაც შეეცდებიან (23:00), ხოლო ლუკა მოდრიჩი მაროკოსთან (14:00) გაილაშქრებს.

24 ნოემბერს, ედერ მილიტაო, ვინისიუსი და როდრიგო სერბებს დაუხვდებიან (23:00), ფედერიკო ვალვერდე კი, სამხრეთ კორეასთან დაგეგმავს პირველი ქულების აღებას (17:00)������� dle 10.1������� ������� ������