მოდრიჩი:„ჩემი ფიზიკა შესანიშნავია, ბოლომდე დატვირთვას ვგეგმავ“
ლუკა მოდრიჩმა „აინტრახტთან“ დაპირისპირებას პრესკონფერენცია მიუძღვნა...
„შარშანდელი ურთულესი გზა ამავდროულად ძალიან ლამაზი იყო. სწორედ შარშანდელმა ფეერიულმა სეზონმა განაპირობა ჩვენი ჰელსინკის სტადიონზე ვიზიტი. გვჯერა, რომ ტიტულისთვის ბრძოლა და სეზონის გამარჯვებით დაწყება შეგვიძლია. „რეალი“ ყველაფერს გაიღებს გასამარჯვებლად.“
„ევროპის სუპერთასზე არაერთხელ მითამაშია. აქ მოხვედრა ყოველთვის დიდ წარმატებას უკავშირდება. დიახ, მოწოდების სიმაღლეზე ვდგავართ და ამ ყველაფრის უკან არნახული შრომა და შემართება დგას.“
„მსოფლიო ჩემპიონატზე წუთების მართვას არ ვაპირებ. ხორვატიის ნაკრებს ბოლომდე დავეხმარები. ასაკი მნიშვნელოვანი არ არის. მთავარი ის არის, როგორც კონდიციაში ვარ. დიახ, საკმაოდ რთული ფორმატი გვაქვს, დრო კი უჩვეულოა, მაგრამ თქვენ იხილავთ მოწოდების სიმაღლეზე მდგომ ლუკა მოდრიჩს.“
„როდის დავტოვებ „რეალს“? ეს კითხვა არაერთხელ მომისმენია. პასუხი კი არ იცვლება. სამეფო კლუბს მაშინ დავემშვიდობები, როდესაც ჩავთვლი, რომ სასურველი დონის ჩვენება არ შემიძლია.“
„ანჩელოტისთან ამ საკითხზე არ მისაუბრია. იტალიელმა იცის, რომ ყოველთვის ბოლომდე ვიხარჯები.“
„ბენზემა უნიკალური ფეხბურთელია, ამას მაშინვე მივხვდი, როგორც კი მადრიდის „რეალს“ შემოვუერთდები. მიხარია, რომ დღეს ფრანგი ოქროს ბურთის მთავარი კანდიდატია.“
- 9 აგვისტო 2022
- 2332
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
