მილიტაო და როდრიგო რიგში არიან
მიუხედავად არდადეგებისა, „სანტიაგო ბერნაბეუს“ ოფისებში აქტიური მუშაობა მიმდინარეობს რიგ არასპორტულ საკითხებზე.
განხორციელებული ტრანსფერების პარალელურად, „რეალი“ შემადგენლობის წვერებთან აწარმოეებს მოლაპარაკებებს კონტრაქტების განახლების თაობაზე. როგორც უკვე იცით, რამდენიმე დღის წინ, ლუკა მოდრიჩმა გაახანგრძლივა დედაქალაქურ გრანდში ყოფნის ვადა. ფაქტობრივად, ყველაფერი შეთანხმებულია ვინისიუსის შემთხვევაშიც, რომელიც გაუმჯობესებული პირობებით იასპარეზებს შემდეგი სეზონიდან.
გავრცელებული ინფორმაციით, საკუთარ რიგს ელოდებიან მილიტაო და როდრიგო. ბრაზილიელ მოთამაშეებს 2025 წლის 30 ივნისამდე აქვთ დაკავშირებული მომავალი „ბლანკოსთან“ და ამასთანავე, მათი ანაზღაურება თანაგუნდელებთან შედარებით საკმაოდ მწირია. შესაბამისად, კლუბი მიმდინარე ზაფხულსვე გააფორმებს მათთან ახალ შეთანხმებას.
განვლილ სეზონში ცენტრალურმა მცველმა ანჩელოტის შემადგენლობიდან ყველაზე მეტი სათამაშო დრო გაატარა საქმეში. ის საკმაოდ წარმატებით ასპარეზობდა, რამაც მნიშვნელოვანი წვლილი შეიტანა ტიტულების მოპოვების გზაზე.
რაც შეეხება როდრიგოს, ამ უკანასკნელმა ბურთაობა არცთუ ისე წარმატებულად დაიწყო, თუმცა სეზონის გადამწყვეტ ეტაპზე რადიკალურად შეიცვალა. საერთო ჯამში მის აქტივშია 9 გოლი და 10 ასისტი. მან არა ერთ უკიდურესად მნიშვნელოვან და საჭირო დროს მოახერხა თავის გამოჩენა.
- 16 ივნისი 2022
- 1329
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
