„რეალმა“ შემადგენლობა განაახლა
როგორც იცით, სეზონის დასრულების შემდეგ სამეფო კლუბში რამდენიმე ცვლილება განხორციელდა.
მადრიდელთა რიგები დატოვეს ისეთმა ლეგენდარულმა ფეხბურთელებმა, როგორებიც არიან ისკო, ბეილი და მარსელო. „ბლანკოსმა“ მათთან თანამშრომლობის გაგრძელება აღარ ისურვა.
არსებული მომენტისათვის, გუნდი ორი ახალწვეულით გაძლიერდა. საუბარია ოურელინ ჩუამენსა, რომლის პრეზენტაცია მიმდინარე კვირაში შედგა და ანტონიო რუდიგერზე.
საინტერესოა, რომ „რეალმა“ უკვე ასახა აღნიშნული სიახლეები ოფიციალურ ვებ-გვერდზე, თუმცა ჯერ-ჯერობით, გერმანელი მცველის გამოკლებით, ვინაიდან მისი წარდგენა 20 ივნისს არის დაგეგმილი.
საიტის ინფორმაციით, მოცემული მომენტისათვის, ანტონიოსა და იჯარიდან დაბრუნებული მოთამაშეების გამოკლებით, პირველი შემადგენლობა 23 წევრისაგან შედგება.
ლა ლიგის წესების თანახმად, თითოეულ გუნდს უფლება აქვს სეზონის განაცხადში დაარეგისტრიროს არა უმეტეს 25 ფეხბურთელი.
- 16 ივნისი 2022
- 1703
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.