არიბასს ევროპაც უყურებს
„რეალ მადრიდ კასტილიას“ პრაქტიკულად დაკარგული აქვს შანსი ესპანეთის რანგით მეორე დივიზიონში დაწინაურებისა.
მიმდინარე სეზონის დასრულების შემდეგ, რაულის კოლექტივში გარკვეული საკადრო ცვლილებები გარდაუვალი იქნება. დიდი ალბათობით, შემადგენლობას დატოვებს სერხიო არიბასი. ეს უკანასკნელი „ბლანკოსის“ მეორე გუნდის უდავო ლიდერია. მიუხედავად სათამაშო პოზიციისა (ნახევარმცველი), 14 გოლით შემადგენლობის მთავარი ბომბარდირად გვევლინება.
20 წლის ფეხბურთელის შესაძლებლობებით არა ერთი მსურველია დაინტერესებული. მათ შორის არიან, როგორც ლა ლიგის, ასევე ჰოლანდიის, ბელგიისა და გერმანიის გუნდები. გავრცელებული ინფორმაციით, დორტმუნდის „ბორუსია“ აქტიურად აკვირდება შუახაზელს. „ყვითლებს“ „რეალიდან“ ფეხბურთელების (ჰაკიმი და რეინიერი) წაყვანის გამოცდილება კი უკვე აქვთ.
აღსანიშნავია, რომ ანჩელოტის პირობებში არიბასს საერთოდ არ ეძლევა თავის გამოჩენის საშუალება, მაშინ როდესაც, ზიდანმა 10-ჯერ ათამაშა ახალაგზრდა ნახევარმცველი მთავარი შემადგენლობის რიგებში.
„რეალი“ მზად არის იჯარის საფუძველზე გაუშვას სერხიო არიბასი, ან გამოსყიდვის უფლებით შეელიოს მას.
- 14 მაი 2022
- 573
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
