11 დღე გავიდა რაც სერხიო რამოსმა ესპანეთის ნაკრებთან ერთად მსოფლიო ჩემპიონატი მოიგო. მადრიდის "რეალის" მარჯვენა მცველმა გადაწყვიტა თავის მშობლიურ ქალაქში კამასში დაბრუნება. აქ კი მას 28 ივლისს დააჯილდოვებენ და კამასის სამაგალითო შვილის წოდებას მიანიჭებენ.

"ძალიან ვამაყობ, რომ მე ჩემი მშობლიური ქალაქის, კამასის სამაგალითო შვილი გავხდები." განაცხადა სერხიო რამოსმა.

"ბლანკოსის" მცველმა ფანტასტიურად იასპარეზა მუნდიალზე. მან მსოფლიო ჩემპიონატის იდეალურ გუნდში მარჯვენა მცველის პოზიცია დაიკავა. სამხრეთ აფრიკაში დიდი წარმატების შემდეგ, რამოსი ჯერ სენეგალს ესტუმრა UNICEF–თან ერთად. ამის მერე გადაწყვიტა მან კამასში წასვლა. მან მადლობა გადაუხადა ყველა იმ გულშემატკივარს, რომელიც მას მხარს უჭერდა და დაიფიცა რომ დღეიდან ყოველ მიღწევას თავის მშობლიურ ქალაქში აღნიშნავდა.