სერხიო რამოსმა შესაძლოა „პსჟ“ დატოვოს
ფრანგული გამოცემების ცნობით, სერხიო რამოსი ოპტიმალურ კონდიციასთან ძალიან შორს არის და „პსჟ“-ს ხელმძღვანელობა უკვე ფიქრობს, რომ მისი პარიზში გადმოყვანა შეცდომა იყო.
მიუხედავად იმისა, რომ რამოსმა „რეალი“ თავისუფალი აგენტის სტატუსით დატოვა და „პსჟ“-ს უფასოდ შეუერთდა, მას კოლოსალური ხელფასი აქვს, რაც პარიზელთათვის პრობლემაა.
ესპანელი ფეხბურთელი მოედანზე ჯერ არ გასულა, ექიმების დასკვნით კი ეს ამბავი კიდევ გადაიდება. რამოსს აქვს დაზიანება, რომელიც სერიოზულ რისკებს შეიცავს.
ფრანგული გამოცემების ცნობით, თუ უმოკლეს დროში სიტუაცია არ შეიცვლება და რამოსი „პსჟ“-ში თუნდაც სრული დატვირთვით ვარჯიშს ვერ დაიწყებს, პარიზული მხარე მის გაშვებაზე დაიწყებს მუშაობას.
ალბათ ვერავინ წარმოიდგენდა, რომ რამოსის დებიუტი ამდენ ხანს არ შედგებოდა.
- 3 ოქტომბერი 2021
- 13164
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
