ჰუნტელაარი: ცუდად მომექცნენ
რეალზე" კარგი მოგონებები მხოლოდ იქაური გულშემატკივრების გამო დამრჩება...
მადრიდის "რეალის" ყოფილი და "მილანის" ამჟამინდელი ფორვარდი კლაას იან ჰუნტელაარი შეწუხებულია ესპანური კლუბის მისდამი დამოკიდებულებით.
"ისინი ვისაც დავალებული ჰქონდათ ჩემი გუნდიდან გაშვება მე ცუდად მომექცნენ, თავად წყვეტდნენ სად უნდა მეთამაშა. ერთხელაც მოულოდნელად დამირეკეს და მითხრეს, შენი მომავალი გუნდი "შტუტგარტი" იქნებაო. ეს გადაწყვეტილებები მე მაცოფებდა, მაგრამ ჩემი აგენტის დახმარებით სიმშვიდე შევინარჩუნე"-განაცხადა ჰუნტელაარმა ჰოლანდიურ პრესასთან.
თავდამსხმელმა აგრეთვე ისაუბრა "სანტიაგო ბერნაბეუზე" გატარებულ ხანმოკლე პერიოდზე:"თავიდან ყველაფერი კარგად აეწყო, ყველა კარგად დამხვდა და ადაპტაციაში მეხმარებოდა, თუმცა ბოლო დროს ჩემდამი დამოკიდებულება შეეცვალა ხელძღვანელობას. ცდილობდნენ მივეყვანე იმ აზრამდე, რომ თავი არასაჭიროდ ჩამეთვალა გუნდში. "რეალზე" კარგი მოგონებები მხოლოდ იქაური გულშემატკივრების გამო დამრჩება"-განაცხადა ჰოლანდიელმა ფორვარდმა.
- 12 აგვისტო 2009
- 3404
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
