"ბარსელონამ" უარყო ის ფაქტი, თითქოსდა "მადრიდის რეალი" სჯობნის მას ჩესკ ფაბრეგასის ტრანსფერში.

როგორც "ბარსელონას" გენერალური დირექტორი ჟოან ოლივერი იუწყება, "მადრიდის რეალი" საერთოდ არ მონაწილეობს ამ ტრანსფერის "გაჩარხვაში" და ეს "არსენალის" მესვეურთა მორიგი პროვოკაციაა. იგი ამტკიცებს, რომ ისინი ამით ფეხბურთელის ფასის აწევას ცდილობენ.

"მათ მოლაპარაკებების გამართვა შეუძლიათ ყველასთან, ვინც კი მოეწონებათ"–განაცხადა ოლივერმა.

"მაგრამ, რაც ყველაზე მთავარია–როცა მოლაპარაკებებში "ბარსა" მონაწილეობს, მაშინ სხვა კლუბები მეორეხარისხოვანი ხდებიან–ესაა ის, რაც ყოველთვის ხდება."

"ჩვენ ტრანსფერს მაშინ განვახორციელებთ, როცა შესაბამისი ფასი დაედება ფეხბურთელს. ჩესკის შემთხვევაშიც ასეა. ფეხბურთელმა საჯაროდ და პირად საუბრებშიც აღიარა, რომ "ბარსელონაში" თამაში სურს."

"დღემდე მხოლოდ ერთადერთი მნიშვნელოვანი ტრანსფერი განხორციელდა სატრანსფერო ბაზარზე, ეს იყო ვილას გადმოსვლა "ბლაუგრანაში", შესაბამისად ჩვენ არსად არ გვეჩქარება და სულაც არ ვაპირებთ უაზარმაზარი თანხების გადახდას ფეხბურთელში."–დაასრულა ოლივერამ.

წყარო: TribalFootball