"ყოველთვის იცი, თუ როგორ ითამაშებს მაურინიოს კლუბი, მაგრამ მიუხედავად ამისა, მაინც ვერ ახერხებ მის დამარცხებას. მე ამის მოწმე ვიყავი ინგლისში და კიდევ ერთხელ ვნახე ჩემპიონთა ლიგის ფინალში "სანტიაგო ბერნაბეუზე". მას უდიდეს პატივს სცემენ ფეხბურთელები, ვინაიდან თვითონაც ფეხბურთელებს სცემს დიდ პატივს. მისი გამოცდილება დაგვეხმარება ჩვენ, განსაკუთრებით მნიშვნელოვან შეხვედრებში. ის ბოლო წლების განმავლობაში ერთ–ერთ საუკეთესო მწვრთნელად ჩამოყალიბდა."

"მაურინიოს კლუბები ყოველთვის ძლიერები არიან. ფეხბურთელები კარგად არიან განლაგებულნი და თითოეულმა მათგანმა იცის, თუ რა როლი აკისრია მას. მისი კლუბები კარგად იყენებენ სტანდარტულ მდგომარეობებს და ტაქტიკურადაც კარგად არიან მომზადებულნი."

"სულაც არ მიმაჩნია, რომ ის დაცვითი ტაქტიკის მოყვარული მწვრთნელია. ჟოზე სტრატეგიაზე ძალიან ბევრს ფიქრობს და თუ შენ გამარჯვება გინდა, მაშინ პირველ რიგში კარგი დაცვითი ხაზი უნდა უზრუნველყო. თითოეული ფეხბურთელი ერთმანეთს ეხმარება, მიუხედავად იმისა, თუ რა ნომერი აწერია ზურგზე და თუ რა პოზიციაზე თამაშობს. ის კლუბს ერთ მთლიანად აქცევს."

"არამგონია იყოს ისეთი ფეხბურთელი, რომელსაც არ სურს მაუსთან თანამშრომლობა."

წყარო: Realmadrid.com