დავიდ ბეტონი:„ლა ლიგისთვის ბრძოლას არ შევწყვეტთ“
დავიდ ბეტონიმ „ლევანტესთან“ მარცხის შემდეგ პრესკონფერენცია გამართა.
„შეუძლებელია ბედნიერები ვიყოთ იმ შედეგით, რომელიც დაფიქსირდა. „რეალს“ 3 ქულის მოპოვება სურდა, მაგრამ ედერ მილიტაოს გაძევებამ ყველა გეგმა არია და სულ სხვა ფეხბურთი ვითამაშეთ.“
„ჩვენ მეტი შეგვეძლო, მაგრამ არეული ვითარების გამო ძალიან ცუდი შედეგი მივიღეთ. ვფიქრობ, გამართლება არ არსებობს და ვითარების სასწრაფოდ შეცვლა გვმართებს.“
„ზიდანმა გასახდელში ყველა ფეხბურთელს გადასცა, რომ ლა ლიგისთვის ბრძოლა გრძელდება და გუნდი დანებებას არ აპირებს. ფრანგი კოლექტივს მალე შემოუერთდება.“
„მსაჯებზე საუბარი არ მსურს, რადგან არანაირი აზრი არ აქვს.“
„ფსიქოლოგიური თვალსაზრისით გუნდს სერიოზული პრობლემები ჰქონდა, რაც მატჩის სტარტზე განვითარებულმა მოვლენებმა განაპირობა.“
„კაზემიროსთან მიმართებაში გადადგმული ნაბიჯები მართებულად მიგვაჩნია, ვინაიდან 10 კაცით დავრჩით.“
„ბენზემა მხოლოდ იმიტომ შევცვალეთ, რომ თამაშში მარიანოს ჩართვა გვსურდა, სხვა არაფერი.“
„„რეალს“ გამარჯვებულის „დნმ“ აქვს, ამიტომ ჩვენ არ გავჩერდებით და მუშაობას გავაგრძელებთ. სამეფო კლუბის მიზანი ყოველთვის ყველა ტურნირის მოგებაა.“
- 30 იანვარი 2021
- 7874
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
