„რეალში“ ანჩელოტის კანდიდატურასაც განიხილავენ
ესპანური გამოცემები აქტიურად იუწყებიან, რომ ფლორენტინო პერესს ზინედინ ზიდანის ნდობა აღარ აქვს და მას ზაფხულში ყველა ვარიანტში დაემშვიდობება. სამეფო კლუბში ფრანგის შედეგებით ძალიან უკმაყოფილოები არიან. გარდა იმისა, რომ კლუბს ცუდი შედეგები ჰქონდა ჩემპიონთა ლიგასა და ლა ლიგაში, ნიშანდობლივად მისაჩნევია თამაშის ხარისხისა და სტილის საშინელი რეგრესიც.
მადრიდელთა ინტერესთა არეალში არაერთი გავლენიანი და ამბიციური მწვრთნელია, რომელთა რიგებსაც შესაძლოა კარლო ანჩელოტიც შეუერთდეს.
იტალიელი სპეციალისტი „ევერტონს“ უდგას სათავეში და რესურსთან შედარებით კარგი შედეგები აქვს.
61 წლის სპეციალისტმა „ბლანკოსს“ 119 მატჩში უთავკაცა და ისტორიული „ლა დესიმას“ მოგებაც შეძლო. კარლიტოს სახელს „ბლანკოსის“ არაერთი სანახაობრივი და გადამწყვეტი მატჩი უკავშირდება.
ანჩელოტის ლივერპულურ კლუბთან ხელშეკრულება 2024 წლამდე აკავშირებს. ის „ევერტონის“ გარდა სხვადასხვა დროს „ბაიერნის“, „ჩელსის“, „რეალის“, „ნაპოლის“, „მილანის“, „პსჟ“-ს, „იუვენტუსის“, „პარმას“ და „რეჯინას“ მწვრთნელიც იყო. კარლიტო საწყის ეტაპზე იტალიის ნაკრების მთავარი მწვრთნელის თანაშემწედაც ცდიდა ბედს.
- 24 იანვარი 2021
- 2925
- 21
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
