ექიმებმა პეპეს მსოფლიო ჩემპიონატზე თამაშის უფლება მისცეს. სამედიცინო დასკვნის შედეგად დადასტურდა, რომ პორტუგალიელის ჯანმრთელობას საფრთხე არ ემუქრება. მადრიდის რეალის 3-იანმა კომენტარი გააკეთა ამ ფაქტთან დაკავშირებით.

"თავს შესანიშნავად ვგრძნობ. მადრიდის რეალის და პორგუგალიის ნაკრების ექიმებმა დამოუკიდებელი კვლევები ჩაატარეს და დადასტურდა, რომ მსოფლიო ჩემპიონატზე თამაში უპრობლემოდ შემიძლია, და რაც მთავარია ეს საფრთხეს არ შეუქმნის ჩემს ჯანმრთელობას."

"მე თავს უნდა მოვუფრთხილდე და მადრიდში სრულიად გამოჯანმრთელებული უნდა დავბრუნდე, რადგან ძალიან მინდა მომავალ სეზონში დავეხმარო ჩემ თანაგუნდელებს. წინა სეზონში მე მათ იმედები გავუცრუვე და ამაში ხელი ტრავმამ შემიშალა. იმედი მაქვს მომავალ სეზონს კარგ ფორმაში შევხვდები. თავი გუნდის ნაწილად მიმაჩნია და ვფიქრობ მადრიდის რეალში დიდ როლს ვთამაშობ. ჯერ კიდევ ბევრი რამ მაქვს დასამტკიცებელი. მე მიყვარს ეს კლუბი და იგი ჩემი ცხოვრების ნაწილია."

"პორტუგალიას შესანიშნავი ნაკრები ყავს და ჩვენ მსოფლიო ჩემპიონატისთვის სრული დატვირთვით ვემზადებით. პირველ მტჩში კარგდ არ გამოვიყურებოდით, მაგრამ ყველაფერი წინ გვაქვს და დარწმუნებული ვარ მუნდიალს სათანადო დონეზე შევხვდებით. რონალდო ჩვენი გუნდის ყველაზე მნიშვნელოვანი ფიგურაა და შეეცდებიან იგი თამაშიდან გამოთიშონ, მაგრამ ეს ადვილი საქმე არ არის. კრიშტიანომ თავისი კლასი ლა ლიგაში უკვე დაამტკიცა, ის მადრიდის რეალს ძალინ დიდ სამსახურს უწევს. იმედი მაქვს რონალდო სამხრეთ აფრიკაშიც გაიბრწყინებს."