კაზემირო:„წინ ჩემპიონთა ლიგის და „ელ კლასიკოს“ კვირაა“
ბრაზილიელმა კაზემირომ „კადისთან“ მატჩის წაგების გამო მწუხარება გამოთქვა, მაგრამ თანაგუნდელებს დიდი შემართებისკენ მოუწოდა.
„პირველი ტაიმი სრული კატასტროფა იყო. „კადისი“ ყველა კომპონენტში ჩვენზე მაღლა იდგა. შემდეგ ვითარება შეიცვალა და უპირატესობა მოვიპოვეთ, მაგრამ ეს არ აღმოჩნდა საკმარისი და საბოლოოდ, სეზონის პირველი მარცხი განვიცადეთ.“
„მეტოქემ ძალიან კარგად იცოდა, როდის რა უნდა გაკეთებინა. „კადისი“ საკმაოდ ორგანიზებული გუნდია.“
„ახლა ჩემპიონთა ლიგის და „ელ კლასიკოს“ კვირა იწყება. ფეხბურთელებს შემართებისკენ მოვუწოდებ, ეს მარცხი უნდა დავივიწყოთ, თუმცა დაშვებული შეცდომები გამოვასწოროთ.“
„ეს მატჩი უკვე წარსულია. ჩვენ ვიცით, რომ გაუმჯობესება შესაძლებელია, როგორც დაცვაში, ასევე შეტევით ფაზაში. მომდევნო დღეებში დიდი მუშაობა გვმართებს, ვინაიდან 2 ძალიან საპასუხისმგებლო მატჩი გველის.“
- 18 ოქტომბერი 2020
- 717
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
