რომა მეტცელდერის ტრანსფერით დაინტერესდა
იტალიის რომა დაინტერესებულია მადრიდის რეალის გერმანელი მცველის შეძენით...
საქმე ეხება კრისტოფ მეტცელდერს, რომელსაც რეალში არც ისე კარგად წაუვიდა საქმეები, რომას მთავარ მწვრთნელს სურს კრისტოფის საკუთარი გუნდის რიგებში ხილვა. მას შემდეგ რაც მანუელ პელეგრინი გახდა სამეფო კლუბის მთავარი მწვრთნელი, გერმანელი მცველის მდგომარეობა საგრძნობლად გამოსწორდა, რადგან მას ეძლევა გაცილებით მეტი სათამაშო დრო.
ჯერ-ჯერობით სეზონი არ დაწყებულა, ჯერ მხოლოდ ამხანაგურ მატჩებს მართავს ბლანკოსი და არავინ იცის, როდესაც სეზონი დაიწყება ისევ მოუწევს თუ არა მეტცელდერს თამაში, ერთი რამ საყოველთაოდ ცნობილია, ჩილელი სპეციალისტი დაცვის ცენტრში ალბიოლი, პეპეს წყვილს დაეყრდნობა. ყოველშემთხვევაში პერესმა ესპანელი მცველი სწორედ ამისთვის იყიდა.
შანსი იმისა, რომ კრისტოფი დატოვებს ესპანეთის დედაქალაქს და გადაბარგდება იტალიის დედაქალაქში არც ისე დიდია, მაგრამ როგორც იტალიური გამოცემები იუწყებიან მოლაპარაკებები მაინც შედგება, ხოლო რა შედეგს გამოიღებს ეს უკვე სხვა საქმეა, ყველაფერს დრო გვიჩვენებს.
- 10 აგვისტო 2009
- 1577
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
