„Ciudad Real Madrid“ სწორედ ასე უწოდებენ ბაზას, რომელზეც „რეალი“ და არამხოლოდ მთავარი გუნდი ვარჯიშობს. დღეს 2020 წლის 30 სექტემბერს 15 წელი გავიდა მას შემდეგ, რაც ულტრამოდერნიზებული ბაზა ექსპლუატაციაში არაერთი განახლებით შევიდა...

ამ ბაზაზე ვარჯიშობენ „რეალის“ კალათბურთელები, კასტილიელები, სხვადასხვა ასაკობრივი კოლექტივი და ასე შემდეგ.

ბაზა აღჭურვილია უმაღლესი კლასის აპარატურით, სავარჯიშო ინვენტარით, რამდენიმე სახის აუზით და ყველა ინფრასტრუქტურით, რაც საჭიროა მსოფლიოს პირველი გუნდისთვის.

ბაზაზე 13 ასაკობრივი საფეხბურთო და საკალათბურთო გუნდი ვარჯიშობს.

ასევე უნდა აღინიშნოს, რომ „დი სტეფანოს“ სტადიონზე ესპანეთის ნაკრებმა 6 სექტემბერს უკრაინის ნაკრებთან იასპარეზა, მადრიდის „რეალმა“ კი ლა ლიგის გასული სეზონის დასკვნითი მატჩები სწორედ საწვრთნელ სივრცეში გამართა და საბოლოო ჯამში ქვეყნის ჩემპიონიც გახდა.