რომას პრეზიდენტმა როსელა სენსიმ განაცხადა, რომ იტალიური კლუბი დე როსის გაყიდვას არ აპირებს მიუხედავად გუნდის კრიზისული მდგომარეობისა.

"მე მინდა წერტილი დავუსვა ყველა ჭორს, რომლის მიხედვითაც კლუბი თანახმაა გაყიდოს დე როსი, კრიზისის დასაძლევად. ის გუნდის ვიცე-კაპიტანია და ჩვენ გეგმებში მისი გაშვება არ შედის, საკმარისია ამ თემაზე საუბარი."

თავად ფეხბურთელმა განაცხადა, რომ ის რომაში ბედნიერია მაგრამ თუ კლუბი მის გაყიდვას გადაწყვეტს, რეალში თამაშზე უარს არ იტყოდა. ამჟამად დე როსი იტალიის ნაკრებთან ერთად მსოფლიო ჩემპიონატისათვის ემზადება.