გუშინ მოურინიოს აგენტი ბერნაბეუზე ჩამოვიდა და ხორხე ვალდანოს შეხვდა და ესაუბრა ფეხბურთელებზე, რომლებიც პორტუგალიელ მწვრთნელს სურს.

მენდესი ასევე არის კოენტრაოს აგენტი და აწარმოებს მასთან მოლაპარაკებას. 22 წლის პორტუგალიელის კონტრაქტი ბენფიკას ეკუთვნის. თავისი კარიერის დასაწყისში ის მარცხენა ნახევარმცველად თამაშობდა, დღეისათვის კი მას შესანიშნავად შეუძლია როგორც ორივე ფლანგზე, ასევე ნახევარდაცვის ცენტრში თამაშიც, ამიტომ მას ხშირად ლუიშ ფიგუსაც ადარებენ.

კოერტანომ მადრიდის რეალის ინტერესის შესახებ როდესაც გაიგო განაცხადა: "მეამაყება, რომ მადრიდის რეალი ჩემი შეძენით არის დაინტერესებული, ნებისმიერი ფეხბურთელის ოცნებაა სამეფო კლუბში თამაში. ჩემი აზრით "ბლანკოსი" მსოფლიოს საუკეთესო გუნდია, მაგრამ ჩემთვის ოფიციალური წინადადებით ჯერ არავის მოუმართავს."

"მე ვიცნობ ესპანეთის ჩემპიონატს, რამდენიმე წლის წინ მე სარაგოსას ღირსებას ვიცავდი, მაგრამ მას შემდეგ უფრო დავიხვეწე და ეს დაუღალავი შრომის ნაყოფია."

აგრეთვე რეალი დაინტერესებულია 22 წლის არგენტინელი დი მარიას ყიდვით, რომელიც ძალიან ახლოს არის მადრიდულ გრანდში გადასვლასთან. მისი სამსახურით სამეფო კლუბის გარდა დაინტერესებულნი არიან: ჩელსი, მანჩესტერ იუნაიტედი, მანჩესტერ სიტი და ბარსელონა.