როგორც მოგეხსენებათ რეალი დიდი ხანია დაინტერესებულა ”ბაიერნის” ნახევარმცველით ფრენკ რიბერით, მაგრამ როგორც Bild იუწყება: რიბერიმ ახალ კონტრაქტს მოაწერა ხელი, რომლის თანახმადაც იგი ბაიერნში 2015 წლამდე დარჩება.

27 წლის ნახევარმცველი გამოტოვებს ჩემპიონთა ლიგის ფინალს ”ბენაბეუზე” ”ინტერის” წინააღმდეგ, რაც ”ბავარიასთვის” დიდი დანაკლისია. რიბერი წელიწადში 10 მილიონ ევროს მიიღებს.

ფრენკით ბევრი ევროპული გრანდი იყო დაინტერესებული. განსაკუთრებულ ინტერესს მის მიმართ ინგლისური კლუბები ”ჩელსი" და "მანჩესტერი” იჩენდა, მაგრამ მას ასევე ჰქონდა შემოთავაზება ”რეალისაგან”, მეტიც ამ წლის დასაწყისში რიბერის აგენტი შეთანხმებული იყო ”ბლანკოსის” პრეზიდენტთან ფლორენტინო პერესთან, მაგრამ შემდეგ პრობლემებმა იჩინა თავი, ახლა კი გრძელვადიან კონტრაქტს მოაწერა ხელი.