რონალდო:„ჩემთვის „ბარსელონა“ „რეალს“ ვერასდროს გაუთანაბრდება“
ლუის ნაზარიო რონალდომ „რეალსა“ და „ბარსელონაზე“ ისაუბრა...
„ჩემთვის „ბარსელონა“ „რეალს“ ვერასდროს გაუთანაბრდება, რადგან კატალონიაში ძალიან ცოტა ხანი ვითამაშე, მადრიდში კი წლების მანძილზე არაერთ გამოწვევას ვუპასუხე.“
„ბედნიერად მახსენდება ყველა წელი, რომელიც ესპანეთის დედაქალაქში გავატარე. ჩვენ ძალიან ბევრნი ვიყავით, ვსაუბრობ ბრაზილიელებზე.“
„უახლოესი მეგობარი რობერტო კარლოსი იყო, ვარჯიშების შემდეგ მთელი დღე ერთად ვიყავით და პორტუგალიურად ვსაუბრობდით.“
„ენის ბარიერი ფაქტობრივად არ არსებობდა, თუმცა ესპანურად საუბარს რა თქმა უნდა, პორტუგალიურად საუბარი გვერჩივნა.“
„მაშინ ტექნოლოგიები ამ დონეზე განვითარებული არ იყო, დღეს ვითარება სრულიად შეცვლილია, რაც ფეხბურთზეც აისახება. ალბათ მაშინ ვერ წარმოვიდგენდი, რომ ვიდეო რეფერი იარსებებდა და თითოეულ გატანილ გოლს განსჯიდა.“
„ბევრ კლუბში ვითამაშე, თუმცა „რეალი“ გამორჩეული იყო. „ინტერის“ კარიერა? რომ არა ტრავმა, გაცილებით მეტს მივაღწევდი, ამას ახლაც ვამბობ.“
„ჩემი ცხოვრების ყველაზე დიდი ტკივილი ტრავმები იყო. ვფიქრობ, ძალიან ნაყოფიერი კარიერა მქონდა, მაგრამ რომ არა ტრავმები, გაცილებით მეტ მატჩს ჩავატარებდი და ბევრ გოლს გავიტანდი.“
„წონის პრობლემა? ამ ყველაფერსაც ტრავმები იწვევდა. მოედანზე არაერთხელ გავსულვარ დაზიანებული ფეხით. არაერთხელ გამიკეთებია გამაყუჩებელი ინექცია პირველი ტაიმის დასასრულს, რათა მეორე ტაიმში ტკივილის გარეშე მეთამაშა.“
„„ბლანკოსში“ ჩემი ასპარეზობის დროს ბევრი მწვრთნელი შეიცვალა. ყველას საკუთარი აზრები და ტაქტიკა ჰქონდა, თუმცა ერთი აზრის გარშემო ყველა ერთიანდებოდა, ეს იმ ტიტულეის მოგება იყო, რომელ ტურნირებზეც გამოვდიოდით.“
- 22 აპრილი 2020
- 5690
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
