OK DIARIO - „რეალს“ ობამეიანგის შეძენა დაბალ ფასად შეუძლია
ესპანური OK Diario-ს ცნობით, მდრიდის „რეალი“ პიერ ემერიკ ობამეიანგის მიმართ ინტერესს ადასტურებს, მაგრამ შეთანხმებას ის აფერხებს, რომ ზიდანი სხვა ფორვარდებზე უფროა გადართული...
ამ ყველაფრის პარალელურად ობას არაერთი მსურველი ჰყავს, ვინაიდან ის ზაფხულში „არსენალს“ ყველა ვარიანტში დატოვებს.
2021 წელს წინახაზელს კონტრაქტი ეწურება, ახალი შეთანხმება კი არ არსებობს, რაც იმას ნიშნავს, რომ „მეთოფეები“ თავდამსხმელს დაბალ ფასად გაყიდიან, სხვა შემთხვევაში ის თავისუფალი აგენტის სტატუსს მიიღებს და უფასოდ წავა.
ამავე წყაროზე დაყრდნობით, ობამეიანგის დამატება „ბლანკოსს“ დაახლოებით 20 მილიონ ევროდ შეუძლია, რაც პიერ ემერიკის დონის ფეხბურთელისთვის სულაც არ არის დიდი თანხა.
გასათვალისწინებელია ობამეიანგის ასაკი, თუმცა ისიც ფაქტია, რომ მოთამაშე მინიმუმ 2-3 წელიწადი მაღალ დონეზე ასპარეზობას შეძლებს.
- 16 აპრილი 2020
- 1086
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.