„რეალს“ 100 მილიონიანი გადაჭარბების საშუალება ექნება
მადრიდის „რეალი“ ზაფხულში საკმაოდ სერიოზული სატრანსფერო პოლიტიკის წარმოებას გეგმავს.
ესპანური გამოცემები საინტერესო ინფორმაციას ავრცელებენ, რომელიც ფინანსური Fair Play-ს წესებთან არის დაკავშირებული.
აქამდე ფლორენტინო პერესს რეგულაციებთან არასდროა ჰქონია პრობლემა და ახლაც 100 მილიონიანი გადაჭარბება შეუძლია ტრანსფერებში.
შარშან „მერენგებმა“ საკმაოდ ბევრი დახარჯეს და ბევრი თანხა არ მიუღიათ, თუმცა 2 და 3 წლის წინანდადელი პასიურობის გამო, ხელმძღვანელობას პრობლემა არ ჰქონია.
ზაფხულში „რეალის“ ხელმძღვანელობა დაახლოებით 400 მილიონი ევროს დახარჯვას გეგმავს, რაც იმას ნიშნავს, რომ იძულებული გახდება გაშვებული ფეხბურთელებისგანაც დიდი თანხა მიიღოს.
Defensacentral-ის ინფორმაციით, „რეალიდან“ 9 ფეხბურთელის წასვლაზეა საუბარი, რის სანაცვლოდ ფლორენტინო პერესმა 270-300 მილიონი ევრო უნდა მიიღოს.
მარსელო ვიეირა, ლუკა მოდრიჩი, მარიანო დიასი, ბრაჰიმ დიასი, დანი სებალიოსი, ალვარო ოდრიოზოლა, გარეთ ბეილი, ხამეს როდრიგესი და როდრიგო გოეში. ესენი არიან ფეხბურთელები, რომელთა მადრიდული მომავალი ჯერ-ჯერობით კითხვისნიშნისქვეშ დგას. აქედან ზოგიერთი იჯარის წესით წავა, უმეტესობა კი გაიყიდება, ბიუჯეტმა კი ზემოაღნიშნული თანხა ყველა ვარიანტში უნდა მიიღოს, რათა გუნდმა შეძლოს ეფექტური სატრანსფერო პოლიტიკას წარმოება და ვარსკვლავების შეძენა.
2020 წლის ზაფხულის ყველაზე დიდი მიზანი რა თქმა უნდა, კილიან მბაპე იქნება.
- 21 მარტი 2020
- 2009
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
