საბოლოო კონტრაქტი მბაპეს - პირველი პრეცენდეტი ფეხბურთის ისტორიაში!
ფრანგული გამოცემების ინფორმაციით, საფეხბურთო ისტორიაში პირველი პრეცენდენტი ფიქსირდება, რომელიც „პსჟ“-სა და კილიან მბაპეს კონტრაქტს ეხება.
ალ ჰელაიფი ყველაფერს აკეთებს იმისათვის, რომ ფლორენტინო პერესის გეგმა ჩაშალოს და მბაპე პარიზში დატოვოს.
„პსჟ“-ს მმართველი უკვე შეხვდა მბაპეს მშობელს და აგენტს, რათა კონტრაქტის ახალი დეტალები შეეთანახმებინა.
არსებული ინფორმაციით, „პსჟ“ კილიანს წლიურად 52 მილიონ ევროს შესთავაზებს და ხელშეკრულება 6 წლიანი იქნება. ასევე ვრცელდება ინფორმაცია, რომლის მიხედვითაც, ფრანგი ფეხბურთელის გამოსასყიდ თანხად 2 მილიარდი ევრო განისაზღვრება, რაც თავისთავად ნიშნავს იმას, რომ მბაპეს კონტრაქტის გამოსყიდვას ვერცერთი კლუბი ვერ შეძლებს.
ამასთანავე ვრცელდება ინფორმაცია, რომლის მიხედვითაც, „პსჟ“ მზად არის, მბაპეს სარეკლამო შემოსავლებიდან არანაირი თანხა არ მიიღოს. 0%-100%-ზე სწორედ ასეთია ჰელაიფის შეთავაზება.
იმ შემთხვევაში, თუ მბაპე ახალ კონტრაქტს დათანხმდება, 6 წელიწადში მისი შემოსავალი მხოლოდ ხელფასის სახით 312 მილიონი ევრო იქნება, რომელსაც დაემატება ბონუსები ჩემპიონთა ლიგის და სხვა ტურნირების მოგების შემთხვევაში.
ესპანური გამოცემა „ას“-ის ინფორმაციით, აღნიშნული წინადადებით ფრანგი ფეხბურთელის მშობლები მოხიბლულები არიან, თუმცა საბოლოო სიტყვას კილიანი იტყვის,რომელსაც ბოლო კვირებში ფრანგულ კლუბთან ურთიერთობა კიდევ უფრო დაეძაბა.
- 5 მარტი 2020
- 28538
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
